17 yanvar 2025-ci il tarixində Azərbaycan Dövlət İqtisad Universiteti (UNEC) Zaqatala filialında 20 Yanvar faciəsinin 35-ci ildönümünə həsr olunmuş tədbir keçirilmişdir.Tədbirdə 20 Yanvar şəhidlərinin əziz xatirəsi bir dəqiqəlik sükutla yad edilmişdir və video çarx nümayiş etdirilmişdir.UNEC Zaqatala filialının direktoru Raqif Qasımov çıxış edərək 20 Yanvar faciəsinin tarixi və milli yaddaşımızda oynadığı mühüm roldan danışmışdır. Həmçinin, Raqif Qasımov çıxışında Ulu Öndər Heydər Əliyevin 20 Yanvar faciəsinə verdiyi siyasi qiymətdən və həmin dövrdə Moskvada Azərbaycan xalqının haqq səsini ucaldaraq bu hadisələrə kəskin etiraz etməsindən bəhs etmişdir. O, Heydər Əliyevin bu addımının Azərbaycan tarixində xüsusi önəm daşıdığını və milli birliyimizin təməl sütunlarından biri olduğunu qeyd etmişdir.Tədbirdə UNEC Zaqatala filialının Texniki və Texnoloji bölmənin rəhbəri dosent Səfər Raziyev, Elmi fəaliyyətin təşkili və idarəedilməsi üzrə mütəxəssis pedaqogika üzrə fəlsəfə doktoru Xəzangül Babayeva, İqtisadiyyat və İdarəetmə bölməsinin müəllimi Rəna Əliyeva , Balakən Gənclər Evinin əməkdaşı Osman Əliyev qeyd etdilər ki, 20 Yanvar faciəsi hüzn olmaqla yanaşı həm də Azərbaycan xalqının iradəsinin sarsılmazlığını göstərdi.